راولپنڈی ۔15اپریل(اے پی پی)پاک فوج دے سربراہ جنرل سید عاصم منیر آکھیے ڄیڑھے لوک برین ڈرین دا بیانیہ ٻݨیدن او ڄاݨ ڳھنن جو اے برین ڈرین نئیں ” برین گین” اے، بیرون ملک پاکستانی ایندی وݙی مثال ہین، کیا پاکستان دے دشمناں دا اے خیال اے جو کڄھ دہشت گرد پاکستان دی تقدیر دا فیصلہ کر سڳدن؟۔ اسلام آباد اچ اوورسیز پاکستانیز کنونشن نال خطاب اچ انہاں آکھیا جو اڄ بیرون ملک مقیم پاکستانیاں دے جذبات ݙیکھ تے وݙا متاثر تھیاں اتے یقین ݙوینداں جو تہاݙے کیتے ساݙے جذبات ایں توں وی ودھ مضبوط ہین، تساں صرف پاکستان دے سفیر ہی نئیں، پاکستان دا او سوڄھلا او جیندی ݙاٹ پورے اقوام عالم تے پوندی اے۔ انہاں آکھیا جو دہشت گرداں دیاں 10 نسلاں وی بلوچستان اتے پاکستان دا کڄھ نئیں وڳاڑ سڳدیاں، بلوچستان پاکستان دی تقدیر اتے متھے دا جھمر اے، ڄے تئیں ایں ملک دے غیور عوام افوج پاکستان نال کھڑن، تہاݙی فوج ہر مشکل نال سوکھیں نمت سڳدی اے، بے بہا وسائل تے ساکوں شکر ادا کرݨا چاہیدے، اڄ رل تے اے کھلا سنیہا ݙیندے ہیں جو پاکستان دی ترقی دے رستے اچ ڄیڑھا وی کھڑسی اوکوں رل تے مکیسوں، اساں کݙاھیں وی مشکلات دے اڳو جھکیے ہیں جا ڄھکسوں، قوم اپݨے شہداء دا ماݨ کریندی اے، انہاں دیاں قربانیاں تے کݙاھیں ملال نہ آوݨ ݙیو، ساݙا سر ہمیشہ ماݨ نا اچا رکھو، تہاݙا تعلق کہیں عام ملک نال نئین ٻھل ہک عظیم اتے طاقتور ملک دے نمائندے ہائو۔ انہاں آکھیا جو کشمیر پاکستان دی ہمیشہ شہ رگ ہی راہسی، پاکستانیاں دا دل ہمیشہ غزہ دے مسلماناں نال دھڑکدن۔ انہاں آکھیا جو پاکستان دی ترقی دا سفر جاری اے، ہݨ سوال اے ہے جو پاکستان کتنی تیزی نال ترقی کرݨی اے۔ اپݨے خطاب اچ آرمی چیف اتے شرکاء “پاکستان ہمیشہ زندہ باد” دا نعرہ لائے۔
