اسلام آباد۔16اپریل (اے پی پی) وفاقی وزیر داخلہ تے انسداد منشیات سینیٹر محسن نقوی آکھیا جو حکومت خلیجی ریاستاں نال انسداد منشیات دے ہر شعبے اچ تعاون ودھاوݨ کیتے تیار اے۔ اساں انٹیلی جنس شیئرنگ، مشترکہ تربیت، حقیقی وقت اچ رابطہ اتے فرانزک تے تکنیکی سانجھ سویں میداناں اچ سانجھ ودھاوݨ چاہندوں۔ خلیجی ملکاں دی حمایت اتے سانجھے داری اساݙی کامیابی دی ضمانت اے۔ او بدھ کوں پاک۔خلیج انسداد منشیات کانفرنس توں خطاب کریندے پئے ہن۔ وفاقی سیکرٹری داخلہ، خلیجی ملکاں دے وفود، ڈی جی اے این ایف سودھے متعلقہ اداریاں دے حکام افتتاحی تقریب اچ شریک ہن۔ وزیر داخلہ و انسداد سینیٹر محسن نقوی آکھیا جو میݙے کیتے اعزاز اے جو میں تساکوں ایں کانفرنس اچ خوش آمدید آکھداں پئیاں۔ اے کانفرنس اینٹی نارکوٹکس فورس دی میزبانی اچ منشیات توں پاک دنیا دے سانجھے وژن دے تحت تھیندی پئی اے۔
