اسلام آباد۔16اپریل (اے پی پی) پاک چین بحری تعاون تے مذاکرات دا پنڄواں دور بیجنگ اچ تھیا۔ دفترخارجہ توں بدھ کوں جاری بیان موجب مذاکرات دی سانجھی صدارت پاکستان دی وزارت خارجہ دے ایڈیشنل سیکرٹری (ایشیا پیسفک) عمران احمد صدیقی اتے عوامی جمہوریہ چین دی وزارت خارجہ دے شعبہ سرحدی اتے سمندری امور دے ڈائریکٹر جنرل ہانگ لیانگ کیتی۔ ݙوہیں فریقاں ڳالھ مہاڑ دے چوتھے دو دے بعد توں آپݨے تعاون دی پیش رفت دا جائزہ ڳھدا۔ انہاں میری ٹائم سیکورٹی، میرین اکانومی، میرین سائنس اتے ٹیکنالوجی اتے سمندری ماحول تے تفصیلی ڳالھ مہاڑ کیتی اتے مختلف معاملیاں تے اتفاق رائے کیتا۔
