اسلام آباد۔16اپریل (اے پی پی) وزیر اعظم محمد شہباز شریف لیبیا اچ ٻیڑی حادثے اچ پاکستانیاں دی موت تے افسوس کیتا جئیں اچ چار پاکستانی وی جاں بحق تھیے۔ بدھ کوں سماجی رابطے دی ویب سائٹ “ایکس ” تے آپݨے سنیھے اچ وزیراعظم آکھیا جو طرابلس اچ پاکستانی مشن توں ملݨ آلی انہاں اطلاعات تے افسوس تھیا جو لیبیا اچ سرت شہر دے نیڑے تھیوݨ آلی ٻیڑی دے حادثے بارے جئیں اچ کل جاں بحق تھیوݨ آلیاں اچ 11 بندیاں اچ چار پاکستانیاں دے جاں بحق تھیوݨ دی وی تصدیق تھئی اے۔ اساݙا مشن اتے دفترخارجہ مقامی حکام نال رَل تے جاں بحق پاکستانیاں دی میتاں ڳھنݨ کیتے کم کریندا پئے۔ وزیراعظم آکھیا جو اساں آپݨے پاکستانیاں کوں موت دے منہ اچ پاوݨ آلیاں دے خلاف سخت کاروائی کریندے پئیوں۔
