اسلام آباد۔16اپریل(اے پی پی)وزیراعظم محمد شہباز شریف ملک اچ چھیویں جماعت توں آئی ٹی دے مضمون کوں نصاب دا لازمی حصہ قرار ݙیوݨ بارے فوری حکمت عملی ٻݨاوݨ دی ہدایت کریندے آکھیے جو صوبائی حکومتاں نال رل تے سکولاں، کالجاں اتے یونیورسٹیاں دی سطح تے آئی ٹی دی معیاری اتے یکساں تعلیم و تربیت بارے کم کیتا ویسی۔ وزیراعظم محمد شہباز شریف دی زیر صدارت وزارت انفارمیشن ٹیکنالوجی و ٹیلی کام دے امور بارے جائزہ اجلاس تھئے۔ وزیراعظم محمد شہباز شریف ملک اچ آئی ٹی دے شعبے دا فروغ اتے ایندے نال جڑیے برآمدات ودھاوݨ کوں ترجیح قرار ݙیندے آکھیے جو چھیویں جماعت توں آئی ٹی دے مضمون کوں نصاب دا لازمی حصہ قرار ݙیوݨ بارے فوری حکمت عملی ٻݨائی ونڄے۔ وزیراعظم اسلام آباد، گلگت بلتستان ، آزاد جموں و کشمیر اتے بلوچستان دے ڳھٹ ترقی یافتہ علاقیاں دے سکولاں، کالجاں اتے ریسرچ اداریاں اچ آئی ٹی دی تربیت شروع کرݨ دی وی ہدایت کیتیاجلاس اچ آئی ٹی دے شعبے اچ تربیتی پروگرامز اتے ٻعے اقدامات تے تفصیلی بریفنگ ݙتی گئی۔ اجلاس اچں وفاقی وزیر اقتصادی امور احد خان چیمہ، وفاقی وزیر آئی ٹی و ٹیلی کام شزا فاطمہ، چیئرمین پی ایم یوتھ پروگرام رانا مشہود احمد خان اتے متعلقہ اعلیٰ سرکاری افسران شرکت کیتی۔ ہواوے دے چیف ایگزیکٹو آفیسر ایتھن سن وی اجلاس اچ موجود ہن۔
