شہدا اتے غازی اساݙا فخر ہن، انہاں دا احترام اتے عزت ہر پاکستانی تے فرض اے، اساکوں حاصل امن اتے آزادی انہاں بہادر سپوتاں دی قربانیاں پاروں اے، جنرل سید عاصم منیر

راولپنڈی۔17اپریل  (اے پی پی) پاک فوج دے سربراہ جنرل سید عاصم منیر آکھیا جو شہدا اتے غازی اساݙا فخر ہن، انہاں دا احترام اتے عزت ہر پاکستانی تے فرض اے، اساکوں حاصل امن اتے آزادی انہاں بہادر سپوتاں دی قربانیاں پاروں اے۔او پاک فوج دے جنرل ہیڈ کوارٹرز (جی ایچ کیو) راولپنڈی اچ پاک فوج دے افسراں اتے نینگراں کوں غیر معمولی جرات تے بہادری دی خدمات تے عسکری اعزازات ݙیوݨ دی تقریب توں خطاب کریندے پئے ہن۔ آئی ایس پی آر موجب  آرمی جنرل سید عاصم منیر افسراں اتے نینگراں کوں اعزازات ݙتے۔ تقریب اچ اعلیٰ عسکری حکام دے علاوہ اعزاز حاصل کرݨ آلے نینگراں دے ٹٻراں دی وݙی تعداد شریک تھئی۔ تقریب اچ ستارہ امتیاز (ملٹری) اتے تمغۂ بسالت سودھے مختلف اعزازات ݙتے ڳئے۔