اسلام آباد۔18اپریل (اے پی پی) ایران دے شہر مہرستان اچ دہشت گردانہ حملے اچ جاں بحق تھیوݨ آلے اٹھ پاکستانیاں دی میتاں پاک فضائیہ دے طیارے اچ بہاولپور پڄ ڳئن۔ زاہدان اچ پاکستان دے قونصل وی پرواز اچ سوار ہن۔ ترجمان دفتر خارجہ توں جمعے کوں جاری بیان موجب اے میتاں بہاولپور انتظامیہ دے حوالے کر ݙتی ڳئی ہن جنہاں انہاں کوں سوگوار ٹٻراں تئیں فوری پڄائی۔ ایران اچ پاکستان دے سفیر اتے انہاں دی ٹیم وطن واپسی تیز کرݨ کیتے ایرانی حکام اتے متعلقہ پاکستانی اداریاں نال رَل تے کم کیتے۔ ترجمان مرحومین دے بلندی درجات اتے سوگوار ٹبراں کیتے حوصلے دی دعا کیتی۔
