اسلام آباد۔18اپریل (اے پی پی) وفاقی وزیر داخلہ تے نارکوٹکس کنٹرول محسن نقوی نال پاک ۔گلف تعاون کونسل اینٹی نارکوٹکس کانفرنس دے وفود دے سربراہان ملاقات کیتی۔ وفد اچ متحدہ عرب امارات دے ڈی جی اینٹی نارکوٹکس ڈیپارٹمنٹ بریگیڈیئر سعید عبداللہ السویدی، قطر دے ڈی جی نارکوٹکس ڈیپارٹمنٹ کرنل رشید ساری، سعودی عرب دے ڈی جی نارکوٹکس ڈیپارٹمنٹ میجر جنرل سعد بن سعود العجمی، عمان پولیس دے ڈی جی نارکوٹکس بریگیڈیئر محمد صالح علی راشد،بحرین دے ڈائریکٹر اینٹی نارکوٹکس ڈیپارٹمنٹ لیفٹیننٹ کرنل محمد خالد، کویت دے ڈائریکٹر آپریشنز کرنل نصیر بدر اتے جی سی سی، سی آئی سی سی ڈی دے ڈائریکٹر بریگیڈئر عیسیٰ سعید شامل ہن۔وزیر مملکت داخلہ طلال چوہدری، سیکرٹری داخلہ محمد خرم آغا اتے ڈائریکٹر جنرل اینٹی نارکوٹکس فورس میجر جنرل عبدالمعید وی ایں موقع تے موجود ہن۔ وزیر داخلہ محسن نقوی پاک ۔ جی سی سی کانفرنس اچ شرکت تے متحدہ عرب امارات۔ سعودی عرب۔ قطر۔ کویت۔ بحرین اتے عمان دے وفود دا شکریہ اداکیتا۔ڈائریکٹر جنرل اینٹی نارکوٹکس فورس میجر جنرل عبدالمعید پاک۔ جی سی سی کانفرنس دی سفارشات بارے ݙسیا۔ وفاقی وزیر داخلہ و نارکوٹکس کنٹرول محسن نقوی کامیاب کانفرنس تے اے این ایف پاکستان اتے گلف تعاون کونسل دے مندوبین کوں مبارخ ݙتی۔
