اسلام آباد۔18اپریل (اے پی پی) نائب وزیراعظم اتے وزیر خارجہ سینیٹر محمد اسحاق ڈار عبوری افغان وزیر خارجہ دی دعوت تے چھݨ چھݨ کوں کابل دا دورہ کریسن۔ ترجمان دفترخاجہ توں جاری بیان موجب نائب وزیراعظم ہک ݙینھ دے دورے تے افغان قائم مقام وزیر اعظم ملا محمد حسن اخوند، افغانستان دے قائم مقام نائب وزیر اعظم برائے اقتصادی امور ملا عبدالغنی برادر نال ملاقات اتے قائم مقام وزیر خارجہ امیر خان متقی نال وفود دی سطح تے ڳالھ مہاڑ کریسن۔ مذاکرات اچ پاک افغان تعلقات دے سارے پہلواں دا احاطہ کیتا ویسی جئیں اچ آپسی فیدے دے سارے شعبے سکیورٹی، تجارت، رابطے اتے عوام توں عوام دے تعلقات اچ تعاون ودھاوݨ دے طریقے اتے ذرائع تے توجہ ݙتی ویسی۔
