اسلام آباد۔19اپریل (اے پی پی) وفاقی وزیر خزانہ سینیٹر محمد اورنگزیب ورلڈ بنک گروپ، آئی ایم ایف دے موسم بہار 2025 اجلاساں اچ شرکت کیتے امریکا روانہ تھی ڳئے۔ ورلڈ بنک گروپ/ آئی ایم ایف دے موسم بہار اجلاس سنوار 21 اپریل توں شروع تھی تے چھݨ چھݨ 26 اپریل کوں مُکسن۔ وزارت خزانہ توں جاری اعلامیہ موجب وزیر خزانہ محمد اورنگزیب اجلاساں اچ شرکت اچ عالمی بنک اتے آئی ایم ایف دے اعلیٰ حکام نال ملاقاتاں کریسن۔ آپݨے دورے اچ وزیر خزانہ چین، برطانیہ، سعودی عرب اتے ترکیہ دے وزرائے خزانہ اتے ہم منصب قائدین نال وی ملاقاتاں کریسن۔ امریکا دے سٹیٹ اتے ٹریثری ڈیپارٹمنٹس دے اعلی حکام نال ملاقاتاں وی انہاں دے دورے دا حصہ ہن۔
