اسلام آباد۔19اپریل (اے پی پی) وزیراعظم محمد شہباز شریف زرعی خودکفالت کیتے زراعت دے شعبے کوں جدید خطوط تے استوار کرݨ ، نینگراں دی صلاحیتاں اتے تجربہ کار ماہرین توں رہنمائی دی اہمیت تے زور ݙیندیں ہوئیں آکھیا جو پاکستان کوں اللہ تعالیٰ زرخیز زمین، قابل زرعی ماہرین، محنتی کسان ݙتن، زرعی شعبے اچ اڳوں ودھݨ کیتے متعلقہ فریقین دی آراء اتے تجویزاں دا جائزہ ڳھن تے حکمت عملی نال انہاں توں فیدہ چاتا ویسی۔وزیر اعظم آفس دے میڈیا ونگ توں جاری پریس ریلیز موجب انہاں اے ڳالھ ملک اچ زرعی شعبے دی بحالی، جدت اتے پائیدار ترقی دے اہداف دے تحت نینگر زرعی ماہرین، سائنسداناں، محققین، کاروباری شخصیات اتے برآمدکنندگان دے اعلیٰ سطحی اجلاس توں خطاب کریندیں ہوئیں آکھی۔ وزیراعظم دی زیر صدارت اجلاس اچ قومی زرعی پالیسی کوں جدید کرݨ، نینگراں دی صلاحیتاں استعمال کرݨ اتے تجربہ کار ماہرین دی رہنمائی نال لائحہ عمل ٻݨاوݨ تے غور کیتا ویسی۔ اجلاس اچ وفاقی وزیر توانائی ڈاکٹر مصدق ملک، وزیر مملکت برائے انفارمیشن ٹیکنالوجی و ٹیلی کمیونیکیشن شزا فاطمہ خواجہ، وفاقی وزیر اطلاعات تے نشریات عطااللہ تارڑ سودھے ماہرین اتے سٹیک ہولڈرز شریک تھیے۔ وزیراعظم آکھیا جو اڄ دے اجلاس اچ اساں زراعت کوں ترقی ݙیوݨ کیتے تجویزاں دا جائزہ ڳھݨے۔ پاکستان کوں اللہ تعالیٰ زرخیز زمین، قابل زرعی ماہرین، محنتی کسان ݙتن، زرعی شعبے اچ اڳوں ودھݨ کیتے متعلقہ فریقین دی آراء اتے تجویزاں دا جائزہ ڳھن تے حکمت عملی نال انہاں توں فیدہ چاتا ویسی۔وزیراعظم آکھیا جو ملک دی 65 فیصد آبادی دیہاتی علاقیاں اچ رہندی اے، سوچݨ دی ڳالھ اے جو دیہاتی علاقیاں اچ ایں آبادی دے طرز دندگی اتے نینگراں دی صلاحیتاں کوں دیہاتی علاقیاں اچ استعمال کرݨ کیتے کیا اقدامات کیتے ڳئن؟ اجلاس دے چھیکڑ تے وزیراعظم ہدایت کیتی جو پنڄویں شعبے تے ورکنگ کمیٹیاں فوری ٻݨائی ونجں اتے ݙوہفتیاں اچ سفارشات پیش کیتی ونڄن۔
