اسلام آباد۔20اپریل (اے پی پی) وفاقی وزیرداخلہ محسن نقوی سعودی عرب دے سفیر نواف بن سعید احمد المالکی نال ملاقات کیتی اتے آپسی دلچسپی دے معاملے، ݙوپاسہ تعلقات اتے آپسی تعاون ودھاوݨ بارے ڳالھ مہاڑ کیتی۔ آݙت وار کوں جاری بیان موجب ڈپلومیٹک انکلیو سعودی سفارتخانے آوݨ تے سعودی عرب دے سفیر وزیر داخلہ محسن نقوی دا خیر مقدم کیتا۔وزیرداخلہ محسن نقوی معاشی تے سماجی شعبیاں اچ پاکستان دا ساتھ ݙیوݨ تے سعودی عرب دی حکومت اتے سفیر دا شکریہ ادا کیتا۔ انہاں آکھیا جو پاک گلف تعاون کونسل انسداد منشیات کانفرنس اچ سعودی عرب دے اعلی سطح دے وفد دی شرکت تے شکریہ ادا کیتا۔ محسن نقوی آکھیا جو بھکاریاں اتے غیر قانونی امیگریشن روکݨ کیتے پاسپورٹ ڳھنݨ کیتے نویں شرط لاتی ویندی پئی اے۔ بھکاری مافیا دے خلاف گھیرا تنگ کر ݙتا ڳئے۔ انہاں آکھیا جو سعودی شہریاں کیتے پاکستان آوݨ تے کوئی ویزا کائنی۔ وزیر داخلہ محسن نقوی منشیات کیس اچ ملوث بے گناہ خاندان دی رہائی کیتے تعاون تے وی سعودی حکومت اتے سفیر دا شکریہ ادا کیتا۔
