لاہور۔20اپریل (اے پی پی) وفاقی وزیر اطلاعات و نشریات عطاءاللہ تارڑ پاکستان دی تعمیر و ترقی اچ مسیحی برادری دے کردار کوں زبردست خراج تحسین پیش کریندیں ہوئیں آکھیا جو مسیحی برادری ہمیشہ قومی پرچم اچ چٹے رنگ دی لاج رکھی اے، انہاں دے حقوق دا تحفظ میݙا فرض اے۔ آݙت وار کوں آپݨے حقلے اچ ایسٹر دے موقع تے تھیوݨ آلی تقریب توں خطاب کریندیں ہوئیں وفاقی وزیر اطلاعات آکھیا جو اڄ میں انہاں لوکاں اچ موجود ہم جنہاں نہ صرف پاکستان بلکہ ملک دی تعمیر تے ترقی اچ وی قابل ذکر خدمات سرانجام ݙتن۔او 70 ہزار مسیحی ووٹرز دی نمائندگی کریندن جئیں تے انہاں کوں فخر اے۔ انہاں ایسٹر دے موقع تے آپݨی پارٹی مسلم لیگ (ن) دے قائد محمد نواز شریف، وزیراعظم شہباز شریف، وزیراعلیٰ پنجاب مریم نواز شریف اتے حمزہ شہباز شریف ولوں مسیحی برادری کوں مبارکباد پیش کیتی۔
