اسلام آباد۔21اپریل (اے پی پی) چیئرمین سینیٹ سید یوسف رضا گیلانی رومن کیتھولک چرچ دے پیشوا پوپ فرانسس دے انتقال تے ݙکھ تے افسوس کیتے۔ سنوار کوں سینیٹ سیکرٹریٹ توں جاری بیان موجب سید یوسف رضا گیلانی آکھیا جو پوپ فرانسس ہک مدبر، انسان دوست اتے بین المذاہب مکالمے دے داعی رہنما ہن جنہاں آپݨے دورِ قیادت اچ پوری دنیا اچ امن، رواداری، اتے خدمت انسانیت دا سنیھا عام کیتے۔ چیئرمین سینیٹ آکھیا جو پاپ فرانسس دنیا کوں نفرت، تقسیم اتے تشدد دی بجائے محبت، برداشت اتے اخوت دے راہ تے ٹرݨ دی تلقین کیتی۔
