اسلام آباد۔21اپریل (اے پی پی) صدر مملکت آصف علی زرداری پوپ فرانسس دے انتقال تے ݙکھ تے افسوس کریندیں ہوئیں آنجہانی پوپ دے بین المذاہب ہم آہنگی، ہمدردی اتے پرامن بقائے باہمی دے عزم کوں خراج تحسین پیش کیتا۔ سنوار کوں ایوان صدر دے پریس ونگ موجب صدر مملکت پوپ فرانسس دے انتقال تے حکومت ِپاکستان اتے عوام ولوں ویٹیکن اتے پوری کیتھولک کمیونٹی نال تعزیت کیتی۔ انہاں آکھیا جو پوپ فرانسس کوں پوری دنیا اچ امن، سماجی انصاف، بین المذاہب مکالمے اتے کمزور طبقات دی فلاح و بہبود دی کوششاں کیتے یاد رکھیا ویسی۔ انہاں آکھیا جو پوپ فرانسس دا انتقال نہ صرف مسیحی بلکہ مذاہب وچال امن اتے مکالمے دی قدر کرݨ آلیاں کیتے ہک وݙا ضیان اے۔
