اسلام آباد۔21اپریل(اے پی پی)وفاقی وزیر قانون و انصاف سینیٹر اعظم نذیر تارڑ مسیحی روحانی پیشوا پوپ فرانسس دے انتقال تے افسوس کریندے پرچاوݨی ݙتی۔ انہاں عالمی مسیحی برادری بالخصوص پاکستانی مسیحیاں نال وی تعزیت کیتی۔ وفاقی وزیر سینیٹر اعظم نذیر تارڑ آکھیا جو پوپ فرانسس ہم آہنگی، رحمدلی اتے انصاف دی علامت ہن۔ انہاں عالمی مسیحی برادری خصوصاً پاکستانی مسیحیاں کوں پرچاوݨی ݙیندے آکھیا جو پوپ فرانسس پسماندہ طبقات کیتے بے مثال خدمات ݙتن، انہاں دی امن و بین المذاہب ہم آہنگی دیاں کوششاں ہمیشہ یاد رکھیاں ویسن۔
