مقبوضہ بیت المقدس۔22اپریل (اے پی پی) فلسطینی حکومت آکھیا جو اسرائیی کاروائیاں پاروں غزہ اتے مغربی کنارے دی صورتحال ٻئی خراب تھیندی پئی اے اتے تقریباً 20 لکھ فلسطینیاں کوں انسانی ہمدردی دی بنیاداں تے امداد دی ٻہوں لوڑھ اے جئیں کوں اسرائیل ولوں غزہ دی پٹی تئیں پڄݨ نی ݙتا ویندا۔ تاس موجب حکومت آکھیا جو غزہ دی پٹی اتے مغربی کنارے اچ فلسطینی عوام دے خلاف اسرائیل دی نسل کشی دی جنگ ودھدی پئی اے۔ حکومت آکھیا جو ایں سال 18 مارچ کوں جنگ بندی دے خلاف ورزی دے بعد غزہ اچ اسرائیلی حملیاں اچ ہݨ تئیں 1,827 فلسطینی شہید اتے 4,828 زخمی تھی ڳئن۔ ایندے علاوہ چار لکھ 20 ہزار توں ودھ فلسطینیاں کوں جبری طور بے گھر کر ݙتا ڳئے۔
