اسلام آباد۔22اپریل(اے پی پی)وزارتِ خزانہ جاری مالی سال اچ متوقع بچتاں 30 اپریل تئیں سرینڈر کرݨ کتیے سارے پرنسپل اکاؤنٹنگ افسران کوں ہدایات ݙے ݙتن۔ اے فیصلہ پبلک اکاؤنٹس کمیٹی دی ہدایات سانڳے کیتا ڳئے جیندا مقصد فنڈز دی ویلھے سر واپسی کیتے تھئے تاں جو مالی وسائل انہاں شعبیاں اچ منتقل تھی سڳن جتھاں انہاں دی فوری لوڑھ اے۔ وزارتِ خزانہ سول حکومت دے روزمرہ اخراجات، سبسڈیز، نظرِثانی شدہ پی ایس ڈی پی دے ترقیاتی فنڈز اچ متوقع بچتاں ولا ڳھنݨ دی ہدایت کیتی ایں سانڳے 1100 ارب روپے دے نظرِثانی شدہ پی ایس ڈی پی دے ترقیاتی فنڈز اچ متوقع بچتاں ولا ڳھنݨ بارے 9 اپریل کوں وی ہک درخواست جاری تھی چکی اے۔
