سرینگر۔23اپریل (اے پی پی) غیرقانونی طور بھارت دے قبضے جموں تے کشمیر اچ بھارتی فوجیاں آپݨی ریاستی دہشت گردی دی اڄوکی کاروائی اچ ضلع بارہمولہ اچ ݙوکشمیری شہید کر ݙتن۔ نینگراں کوں جعلی مقابلے اچ شہید کیتا ڳئے۔ کشمیر میڈیا سروس موجب فوجیاں نینگراں کوں ضلع دے علاقے سرجیون اوڑی نالہ دے نیڑے ہک پرتشدد کاروائی اچ ہک جعلی مقابلے اچ شہید کیتے۔ بھارتی فوج دے افسر میڈیا کوں ݙسیا جو اوڑی نالہ دے نیڑے سرجیون دے علاقے اچ ݙو توں ترائے بندیاں کوں ݙٹھا ڳئے۔ علاقے اچ تعینات فوجیاں نقل و حرکت دا پتہ کیتا اتے انہاں چیلنج کیتا جئیں دے نتیجے اچ شدید فائرنگ دا تبادلہ تھیا۔ اے کاروائی اوں ویلھے تھئی اے جڈاں مقبوضہ کشمیر اچ پہلگام واقعے دے بعد جئیں اچ 26 بندے ہلاک تھین اتے انہاں اچوں زیادہ تر غیرمقامی ہن۔ ہائی الرٹ جاری کر ݙتاڳئے۔
