اقوام متحدہ ۔23اپریل (اے پی پی) اقوام متحدہ دے ادارہ برائے فلسطینی مہاجرین (انروا) آکھیا جو غزہ اچ اسرائیلی حملیاں پاروں تھیوݨ آلا غذائی بحران قابل مذمت اے۔ العربیہ موجب اے ڳالھ انروا دے کمشنر جنرل فلپ لازارینی ایکس تے جاری آپݨے سنیھے اچ آکھی۔ انہاں آکھیا جو غزہ ناامیدی دا مرکز ٻݨ ڳئے۔ اتھ غذائی قلت اسرائیل دی پیداکردہ اے۔ تباہ کن جنگ اتے اسرائیلی معاصرے دے 18 مہینے بعد ݙو مارچ توں امدادی سامان دی غزہ تئیں رسائی روک ݙتی ڳئی اے۔ اقوامِ متحدہ خبردار کیتے جو تقریباً 24 لکھ آبادی تے مشتمل غزہ کوں ہک تباہ کن انسانی بحران دا سامݨا اے۔ اتھ دی عوام کوں اجتماعی سزا ݙتی ویندی پئی اے۔ انہاں انسانی امداد کوں بطور سودے بازی اتے جنگی ہتھیار دے طور استعمال کرݨ دی مذمت کریندیں ہوئیں مطالبہ کیتا جو انسانی بنیاد تے امداد فوری بحال، قیدیاں کوں رہا اتے جنگ بندی دا ولا اعلان کیتا ونڄے۔
