واشنگٹن ڈی سی۔23اپریل (اے پی پی) وفاقی وزیر خزانہ سینیٹر محمد اورنگزیب جغرافیائی سیاسی صورتحال، تجارتی تقسیم اتے تحفظ پسندی سویں عالمی اقتصادی چیلجز دے تناظر اچ اصلاحات دے تسلسل دی لوڑھ تے زور ݙیندیں ہوئیں آکھیا جو علاقائی راہداریاں، تجا رتی رابطے اتے جنوبی۔ جنوبی تعاون کوں ودھاوݨ ویلھے دی اہم لوڑھ اے۔صوبیاں دی سانجھ نال قومی مالیاتی معاہدے تے عملدرآمد نال پائیدار اقتصادی بنیاداں استوار کریندے پئیوں۔ اے ڳالھیں انہاں بین الاقوامی مالیاتی فنڈ(آئی ایم ایف ) اتے عالمی بنک دے موسم بہاردے سالانہ اجلاس دے ݙوجھے ݙینھ اعلیٰ سطح دی ملاقاتاں اچ کیتی، ملاقاتاں اچ پاکستان دی معاشی استحکام، جاری اصلاحات اتے سرمایہ کاری دے موقع تے توجہ ݙتی ڳئی۔ وزیر خزانہ ݙینھ دا آغاز جی-24 وزرائے خزانہ تے مرکزی بینک گورنرز دے اجلاس اچ شرکت نال کیتا جتھ انہاں بطور سیکنڈ وائس چیئر پاکستان دی نمائندگی کیتی۔ آپݨے خطاب اچ انہاں آکھیا جو مضبوط بنکاری نظام اتے مسلسل ساختی اصلاحات نال کلی معیشت کوں استحکام ملیے۔ وزیر خزانہ آئی ایم ایف دی صدارت اچ’’درمیانی مدت اچ ریونیو موبلائزیشن‘‘ دے موضوع تے تھیوݨ آلے ہک مذاکرت اچ زراعت، ریئل اسٹیٹ تے ریٹیل سویں شعبیاں توں جی ڈی پی دے تناسب نال محصولات دی فراہمی یقینی ٻݨاوݨ دی حکمت عملی بیان کیتی۔ وزیر خزانہ عالمی بنک دے نائب صدر برائے جنوبی ایشیا مارٹن رائزر نال وی ملاقات کیتی۔ انہاں ݙاہ سالہ کنٹری پارٹنر شپ فریم ورک دی منظوری تے شکریہ ادا کیتا۔ وزیر خزانہ ڈوئچے بینک دی ٹیم نال ملاقات کیتی جئیں دی قیادت مینا ریجن دی منیجنگ ڈائریکٹر میریئم اوآزانی کریندی پئی ہن۔ وزیر خزانہ سعودی فنڈ برائے ترقی دے سی ای او سلطان بن عبد الرحمن المرشد نال اہم اتے نتیجہ خیز ملاقات کیتی۔ انہاں سعودی عرب اچ ابھردی ہوئی معیشتاں دی کانفرنس اتے سعودی وزیرخزانہ نال آپݨی پچھلی ملاقات دا حوالہ ݙتا۔ فریقین اڄوکی پورٹ فولیو دا جائزہ ڳھدا اتے پیش رفت تے اطمینان کیتا۔ وزیر خزانہ سعودی فنڈ توں این ۔25 منصوبے کیتے مالی تعاون دی درخواست کیتی۔
