اسلام آباد۔23اپریل (اے پی پی) وزیراعظم محمد شہباز شریف مستونگ اچ پولیو مہم دی ٹیم تے دہشتگرد حملے دی شدید مذمت کریندیں ہوئیں آکھیا جو معصوم شہریاں دی جان تے مال دا ضیان کر ݨآلے انسانیت دے دشمناں دہشت گرداں کوں کیفر کردار تئیں پڄیسوں۔ بدھ کوں وزیراعظم آفس دے میڈیا ونگ توں جاری بیان موجب وزیراعظم محمد شہباز شریف حملے اچ پولیو ٹیم دی سکیورٹی تے مامور لیویز اہلکاراں دی شہادت تے افسوس کیتے۔ انہاں شہیداں دے درجات دی بلندی اتے لواحقین کیتے صبر دی دعا کیتی۔ انہاں آکھیا جو معصوم شہریاں دی جان تے مال دا ضیان کر ݨآلے انسانیت دے دشمناں دہشت گرداں کوں کیفر کردار تئیں پڄیسوں، پولیو مہم ہر صورت مکمل تحریک نال جاری رہسی۔
