سری نگر۔24اپریل (اے پی پی) بھارت دے غیر قانونی قبضے جموں تے کشمیر اچ بھارتی فورسز پہلگام حملے دی آڑ اچ وݙے پیمانے تے کریک ڈاؤن آپریشن شروع کر ݙتے۔ قابض فورسز محاصرے اتے تلاشی دی کاروائیاں اچ گھراں تے چھاپیاں اچ پندراں سو توں ودھ بے گناہ کشمیری نینگراں کوں گرفتار کیتے۔ کشمیر میڈیا سروس موجب فورسز علاقے اچ محاصرے اتے تلاشی دی کاروائیاں تیز کیتن۔ فورسز سری نگر، اسلام آباد، کولگام، پلوامہ، شوپیاں، گاندربل اتے بڈگام ضلعیاں دی مختلف علاقیاں اچ گھراں تے چھاپے مار تے سینکڑاں نینگر گرفتار کیتن۔ لوکاں دا آکھݨ اے جو فورسزاہلکار گھراں تے چھاپیاں اچ تریمتیں اتے ٻالاں سودھے رہݨ آلیاں کوں ہراساں اتے قیمتی گھر دی شئیں ٻھن ݙیندن۔
