اسلام آباد۔24اپریل(اے پی پی)وفاقی وزیر برائے قومی غذائی تحفظ و تحقیق رانا تنویر حسین آکھیے جو زرعی شعبے اچ ڄدت اتے ترقی ترجیح اے، کپاہ اتے چاول دی ودھ پیداوار تے توجہ ݙتی ویندی پئی اے، وزیر اعظم محمد شہباز شریف مائیکرو لیول تے زراعت دے شعبے اچ ترقی چاہندن۔ اے ڳالھ انہاں وفاقی کمیٹی زراعت دے اجلاس نال خطاب اچ آکھی۔ انہاں آکھیا جو زرعی شعبے دی ترقی نال کساناں دی فلاح و بہبود ودھسی اتے معیشت تکڑی تھیسی، زرعی پیداوار ودھاوݨ کیتے تصدیق شدہ بیج ݙیوݨ یقینی ٻݨیدے پئے ہیں، کپاہ اتے چاول دے غیر معیاری بیج ٻݨاوݨ آلیاں 392 کمپنیاں دا لائسنس منسوخ کیتے، بیج کمپنیاں دی مانیٹرنگ دے اختیارات صوبیاں کوں ݙتن اتے نیشنل سیڈ ریگولیٹری اتھارٹی وی ٻݨائی اے۔ انہاں آکھیا جو چین زرعی مشینری دا تحفہݙتے جیڑھی وفاق اتے سارے صوبیاں کوں ݙتی ویسی، ایندے نال فی ایکڑ پیدوار ودھݨ سودھا فصلاں دے نقصانات ڳھٹسن۔
