واشنگٹن ۔25اپریل (اے پی پی) وفاقی وزیرِ خزانہ سینیٹر محمد اورنگزیب واشنگٹن اچ انٹرنیشنل مانیٹری فنڈ (آئی ایم ایف) دے ڈائریکٹر برائے مشرق وسطیٰ اتے وسطی ایشیا جہاد اذور نال ملاقات کیتی۔ ملاقات اچ پاکستان دی معیشت اتے جاری اصلاحاتی اقدامات تے تفصیلی ڳالھ مہاڑ تھئی۔ وزیرخزانہ پاکستان کیتے آئی ایم ایف دی حمایت تے شکریہ ادا کیتا۔ خصوصاً ایکسٹینڈڈ فنڈ فیسلٹی (EFF) دے تحت پہلے جائزے اتے ریزیلینس اینڈ سسٹین ایبلٹی فسیلٹی (RSF) دے نویں انتظام تے اسٹاف لیول معاہدے بارے ڳالھ مہاڑ کیتی۔ انہاں اعادہ کیتا جو حکومت پاکستان گزریل ݙیݙھ سال اچ حاصل کیتی ڳئی معاشی کامیابیاں کوں برقرار رکھیندیں ہوئیں ترقی دی راہ تے ویندا پئے۔ سینیٹر اورنگزیب آکھیا جو عالمی کریڈٹ ریٹنگ ایجنسی فِچ ولوں پاکستان دی خودمختار کریڈٹ ریٹنگ اچ بہتری ایں ڳالھ دا ثبوت اے جو ملک اچ کیتی ڳئی اصلاحات کوں بین الاقوامی سطح تے تعریف تھیندی پئی اے۔
