واشنگٹن ۔25اپریل (اے پی پی):وفاقی وزیرِ خزانہ تے محصولات سینیٹر محمد اورنگزیب آئی ایم ایف اتے ورلڈ بینک دی سپرنگ میٹنگز دے موقع تے سٹی بینک دے وفد نال ملاقات کیتی جئیں دی قیادت مشرق وسطیٰ ، پاکستان اتے افریقہ کیتے بینک دے سربراہ جارجی یوردانوف کیتی۔ وزیرخزانہ پاکستان دے مالیاتی شعبے اچ سٹی بینک دی طویل مدتی وابستگی اتے مسلسل معاونت دی تعریف کیتی۔ انہاں وفد کوں پاکستان دی بہتر تھیندی معاشی صورتحال اتے بین الاقوامی کریڈٹ ریٹنگ ایجنسیاں ولوں ریٹنگ اچ بہتری دا ݙسیا۔ فریقین مستقبل اچ تعاون دے امکانات دا جائزہ ڳھدا اتے آپسی سانجھے داری کوں ٻیا مستحکم کرݨ دا عزم کیتا۔
