اسلام آباد۔25اپریل (اے پی پی) چیئرمین وزیراعظم یوتھ پروگرام رانا مشہود احمد خان آکھیا جو لیپ ٹاپ سکیم دے تحت میرٹ تے ہک لکھ لیپ ٹاپ وفاقی سطح تے ݙتے ویسن۔ وزیر اعظم یوتھ پروگرام توں جاری اعلامیہ موجب رانا مشہود احمد خان آکھیا جو وزیراعظم یوتھ لیپ ٹاپ سکیم دی رجسٹریشن شروع تھی ڳئی اے۔ چیئرمین وزیراعظم یوتھ پروگرام طلباکوں ویلھے تے رجسٹریشن دی ہدایت کریندیں ہوئیں آکھیا جو لیپ ٹاپ کیتے رجسٹریشن کراوݨ دی چھیکڑی تاریخ 20 مئی رکھی ڳئی اے۔ رانا مشہود احمد خان آکھیا جو لیپ ٹاپ کیتے رجسٹریشن وزیراعظم ڈیجیٹل یوتھ ہب تے کیتی ویسی۔ رانا مشہود احمد خان آکھیا جو پاکستان دے سارے پبلک سیکٹر ہائر ایجوکیشن انسٹیٹیوٹس دے طلبہ اپلائی کر سڳدن۔
