اسلام آباد۔25اپریل (اے پی پی) وفاقی وزیر ریلویز محمد حنیف عباسی آکھیا جو پاکستان اتے کرغزستان وچال ریلوے تعاون اقتصادی تعلقات کوں بہتر ٻݨیسی۔ جمعے کوں پاکستان اچ کرغزستان دے سفیر وزیر ریلوے حنیف عباسی نال ملاقات کیتی۔ ݙوہیں ملکاں وچال ریلوے تعاون ودھاوݨ بارے ڳالھ مہاڑ کیتی ڳئی۔ سفیر اتاخانوف وزیر ریلویز حنیف عباسی کوں ریلوے دا چارج سنبھالݨ تے مبارخ ݙتی۔ وفاقی وزیر کرغزستان نال تعلقات مستحکم کرݨ دی لوڑھ تے زور ݙیندیں ہوئیں کرغزستان نال ریلوے دے شعبے اچ تعاون ودھاوݨ دی حمایت دا یقین ݙوایا۔ کرغزستان دے سفیر آکھیا جو پاکستان دے اڄوکے حالت اچ بہتری آئی اے۔ معیشت مضبوط تھئی اے۔ کرغزستان دے سفیر وزیر ریلویز حنیف عباسی کوں پاکستان-کرغزستان بین الحکومتی کمیشن دے اجلاس اچ شرکت دی دعوت ݙتی۔
