اسلام آباد۔28اپریل (اے پی پی) وزیراعظم محمد شہباز شریف جنوبی وزیرستان دے علاقے وانا اچ دہشت گرد حملے دی مذمت کریندیں ہوئیں قیمتی انسانی جاناں دے ضیان تے افسوس کیتے۔ سنوار کوں وزیر اعظم آفس دے میڈیا ونگ توں جاری بیان موجب وزیراعظم شہیداں کیتے دعائے مغفرت اتے لواحقین کیتے صبر و استقامت دی دعا کیتی۔ وزیراعظم زخمیاں دی جلدی صحت یابی کیتے دعا کریندیں ہوئیں آکھیا جو نہتے اتے معصوم شہریاں دی جان تے مال دا ضیان کرݨ آلے انسانیت دے دشمناں کوں سخت قیمت ݙیوݨی پوسی۔ ملک توں دہشت گردی دے پورے خاتمے کیتے حکومت اتے سکیورٹی فورسز پرعزم اے۔
