راولپنڈی۔28اپریل(اے پی پی) سکیورٹی فورسز دا افغان سرحد دے نیڑے آپریشن، مزید 17 دہشت گرد ہلاک، تعداد 71 تھی ڳئی ۔ آئی ایس پی آر موجب سکیورٹی فورسز پاک افغان سرحد تے حسن خیل دے نیڑے علاقیں اچ کلیئرنس آپریشن کیتے جئیں اچ 17 خوارج ہلاک تھئن ، ماریے ڳئے خوارج اپݨے بھارتی آقاواں دے ایماء تے کارروائیاں کریندے پئے ہن ۔ ہلاک تھیوݨ آلے 17 خوارج توں اسلحہ، گولہ بارود اتے دھماکا خیز مواد وی برآمد تھئے، شمالی وزیرستان اچ 3 ݙینھ دی کاروائی اچ ہݨ تئیں 71 دہشت گرداں کوں ہلاک کیتا ڳئے ۔ گزریل ݙینھ دے آپریشن اچ سکیورٹی فورسز 54 خوارج ہلاک کیتے ہن، سکیورٹی فورسز گزریل ݙینھ تھیوݨ آلے آپریشن دے فالو اپ اچ اے آپریشن کیتے۔
