اسلام آباد۔28اپریل(اے پی پی)وفاقی وزیرداخلہ محسن نقوی پاک افغان سرحد توں دراندازی دی کوشش ناکام بݨاوݨ تے سکیورٹی فورسز کوں زبردست الفاظ اچ خراج تحسین پیش کیتے۔ اپݨے بیان اچ انہاں آکھیے سکیورٹی فورسز مزید 17 خوارجی دہشت گرداں کوں جہنم واصل کرتے دراندازی کوں ناکام بݨائے، پاکستان دی بہادر سکیورٹی فورسز دراندازی کرݨ آلے مزید 17خوارجی دہشت گرداں کوں عبرتناک انجام تئیں پڄائے ،خوارجی دہشت گرداں دا انجام عبرتناک موت اے۔ انہاں واضح کیتے جو پاکستان اچ خوارجی دہشت گرداں اتے پشت پناہی کرݨ آلیں کوں کہیں صورت نہ چھوڑیسوں ۔خوارجی دہشت گرداں دے ناپاک عزائم مٹی اچ رلاوݨ تے سیکورٹی فورسز کوں سلام پیش کریندوں ۔ انہاں سکیورٹی فورسز دی پیشہ وارانہ صلاحیتاں دی تعریف کریندے آکھیے قوم سکیورٹی فورسز دی کارروائی کوں تحسین دی نگاہ نال ݙیکھدی اے ،قوم کوں سکیورٹی فورسز دی پیشہ وارانہ مہارت اتے جرات تے ماݨ اے ، قوم سیکورٹی فورسز دے رلے کھڑی اے۔
