اسلام آباد۔29اپریل (اے پی پی) نائب وزیراعظم اتے وزیر خارجہ سینیٹر محمد اسحاق ڈار متحدہ عرب امارات دے نائب وزیراعظم اتے وزیر خارجہ شیخ عبداللہ بن زید النہیان نال ڳالھ مہاڑ کیتی۔ منگل کوں دفترخارجہ موجب ݙوہیں رہنماواں اڄوکی علاقائی صورتحال اتے آپسی دلچسپی دے معاملیاں تے ڳالھ مہاڑ کیتی۔ نائب وزیراعظم انہاں کوں بھارت دے بے بنیاد الزامات، اشتعال انگیز بیان بازی اتے ہک پاسہ اقدامات دے جواب اچ پاکستان دی قومی سلامتی کمیٹی دے فیصلیاں بارے ݙسیا۔ شیخ عبداللہ بن زید النہیان علاقائی استحکام کوں برقرار رکھݨ، ڳالھ مہاڑ ودھاوݨ، تحمل نال کم ڳھنݨ اتے تنازعیاں دے پر امن حل دی اہمیت تے زور ݙتا۔ بیان موجب پاکستان اتے متحدہ عرب امارات وچال رابطے مضبوط برادرانہ تعلقات دا اعادہ کریندیں ہوئیں ݙوہیں رہنماواں بدلدی علاقائی صورتحال دی روشنی اچ رابطے اتے مشورے کوں برقرار رکھݨ دا عزم کیتا۔
