لاہور۔29اپریل (اے پی پی) وفاقی وزیرداخلہ محسن نقوی منگل کوں منصورہ دا دورہ کیتا جتھ انہاں امیر جماعت اسلامی حافظ نعیم الرحمن نال ملاقات کیتی۔ ایں اہم ملاقات اچ پاک بھارت کشیدگی، سرحداں دی صورتحال اتے قومی سلامتی دے معاملیاں بارے ڳالھ کیتی ڳئی۔ محکمہ داخلہ دے ترجمان موجب وزیرداخلہ حافظ نعیم الرحمن کوں نیشنل سیکورٹی کونسل دے اڄوکے فیصلیاں بارے بریفنگ ݙتی اتے پاکستان دے اصولی موقف دا ݙسیا۔ امیر جماعت اسلامی قومی موقف دی بھرپور تائید کریندیں ہوئیں آکھیا جو بھارت دے معاملے تے پوری قوم یکجہتی کریندی پئی اے۔ انہاں آکھیا جو لکھاں بے گناہ کشمیریاں کوں شہید کرݨ آلے بھارتی حکومت کوں ہوش دے ناخن ڳھنݨے چاہیدن۔ ݙوہیں رہنماواں فلسطین دی اڄوکی صورتحال تے وی ڳالھ کیتی۔ ایں موقع تے جماعت اسلامی دے سینئر رہنما لیاقت بلوچ وی موجود ہن۔
