اسلام آباد۔29اپریل(اے پی پی) نائب وزیراعظم / وزیر خارجہ سینیٹر محمد اسحاق ڈار ہنگری دے وزیر امور خارجہ و تجارت پیٹر سیجارتو نال ٹیلی فون تے ڳالھ مُہاڑ کیتی ۔ دفتر خارجہ موجب نائب وزیراعظم انہاں کوں موجودہ علاقائی صورتحال دا ݙسائے۔ انہاں پاکستان دے خلاف بھارت دے بے بنیاد پروپیگنڈے اتے یکطرفہ غیر قانونی اقدامات کوں سختی نال مسترد کریندے آکھیے سندھ طاس معاہدے کوں التواء اچ رکھݨ بین الاقوامی قوانین دی واضح خلاف ورزی اے۔ نائب وزیراعظم امن و استحکام دے ودھارے سانڳے پاکستان دا عزم کریندے آپݨے قومی مفادات دے دفاع سانڳے پاکستان دے عزم تے زور ݙتے ۔ وزیر خارجہ پیٹر سیجارتو ڳالھ مہاڑ تے مسئلیں دے پرامن حل دے ذریعے صورتحال کوں گھٹ کرݨ دی اہمیت تے زور ݙتے ۔ نائب وزیراعظم نے وزیر خارجہ پیٹر سیجارٹو دے اڄوکے دورہ اسلام آباد دے بعد ݙوپاسے تعلقات اچ شاندار رفتار دی وی تعریف کیتی۔
