اسلام آباد۔29اپریل(اے پی پی) وزیراعظم محمد شہباز شریف آکھیے پاکستان دنیا اچ ڈیری مصنوعات بݨاوݨ آلے سرفہرست ملکاں اچ شامل اے ، ڈیری مصنوعات دی ویلیو ایڈیشن اچ سرمایہ کاری دا خیرمقدم کریسوں ۔وزیراعظم میڈیا دفتر توں جاری بیان موجب اے ڳالھ انہاں گلوبل چیف ایگزیکٹو افسر رائل فرائزلینڈ کمپینا اتے اینگرو پاکستان جون ڈیرک وین کارنیبیک دی قیادت اچ وفد کوں آکھی جنہاں وزیراعظم نال ملاقات کیتی ۔ ملاقات اچ وزیراعظم آکھیے پاکستان دنیا اچ ڈیری مصنوعات بݨاوݨ آلے سرفہرست ملکاں اچوں ھک اے ، ڈیری مصنوعات دی ویلیو ایڈیشن اچ سرمایہ کاری دا خیرمقدم کریسوں ، پاکستان ڈیری دے شعبہ دی ترقی سانڳے فرائزلینڈ کمپینا جیھی کمپنیاں نال تعاون کریسی ،ڈیری مصنوعات دی برآمدات ودھاوݨ سانڳے ڈیری مصنوعات دی حفاظت اتے غذائیت کوں ودھاوݨ دے حوالے نال اقدامات دی حوصلہ افزائی کریسوں ۔ وزیراعظم آکھیے ڈیری انڈسٹری دی پائیدار ترقی اتے کساناں دے روزگار کوں چنڳاں بݨاوݨ ساݙی اولین ترجیحات اچ شامل اے ،فرائزلینڈ کمپینا اینگرو پاکستان، پاکستان ڈیری ریگولیشنز کوں بین الاقوامی بہترین طریقیں نال ہم آہنگ کرݨ سانڳے تکنیکی معاونت دا اشتراک کرسڳدے ،ڈیری مصنوعات دی حفاظت اتے صارفین دے اعتماد کوں بہتر بݨاوݨ سانڳے پنجاب اتے سندھ اچ پائلٹ ڈیری سپلائی چین ٹریس ایبلٹی سسٹم تیار کرݨ اچ فرائزلینڈ دی مدد دی تعریف کریندوں ۔ فرائزلینڈ کمپینا دے وفد پاکستان دے لائیو سٹاک اتے ڈیری دے شعبے اچ سرمایہ کاری ودھاوݨ اچ دلچسپی ݙکھائی ۔ملاقات اچ وفاقی وزیر قومی غذائی تحفظ رانا تنویر حسین ، وفاقی وزیر خزانہ و محصولات محمد اورنگزیب ، وزیراعظم دے معاون خصوصی ہارون اختر اتے متعلقہ اعلیٰ سرکاری افسر وی موجود ہن۔
