جموں۔30اپریل (اے پی پی) بھارت دے غیر قانونی قبضے جموں تے کشمیر اچ ایں ویلھے جذباتی مناظر ݙیکھݨ کوں ملین جݙاں قابل حکام 11 پاکستانی شہریاں کوں جئیں اچوں ودھ کشمیریاں توں شادی شدہ تریمتیں ہن، ملک بدری کیتے ضلع پونچھ توں اٹاری واہگہ بارڈر روانہ کر ݙتا ڳئے۔ کشمیر میڈیا سروس موجب انہاں سارے 11 بندیاں دی سنڄاݨ پاکستانی شہریاں دے طور تھئی اے جیڑھے سالیں توں اتھ رہندے پئے ہن۔ حکام ݙسیا جو انہاں 11 شہریاں اچ ست تریمتیں شامل ہن اتے انہاں کوں جموں ٻھیج ݙتا ڳئے جتھ انہاں کوں ملک بدری کیتے اٹاری واہگہ بارڈر آندا ویسی۔ انہاں اچوں ہک تریمت 55 سالہ ثریا کوثر وی شامل اے جیڑھی جو 43 سال پہلے مقبوضہ کشمیر آئی ہن۔ ضلع پونچھ دے مینڈھر سب ڈویژن دی وستی گوہلاد دے عابد حسین شاہ دی ذایل ثریہ آپݨی اماں نال 1982 اچ مقبوضہ کشمیر آئی ہن جتھ انہاں شادی کیتی اتے ہݨ او ترائے پتر اتے ہک دھی دی ماء اے۔
