دمشق۔2مئی (اے پی پی) اسرائیل دی فوج آکھیا جو ایں شام دے دارالحکومت دمشق اچ صدارتی محل دے نیڑے اسرائیلی فضائی حملہ کیتے۔ الجزیرہ موجب اسرائیلی فوج آکھیا جو اسرائیلی جنگی طیاریاں دمشق اچ شامی صدر احمد الشراع دے محل دے نیڑے حملہ کیتے۔ اسرائیلی وزیراعظم بنجمن نیتن یاہو اتے وزیر دفاع اسرائیل کاٹز ولوں سانجھے بیان اچ آکھیا ڳئے جو اے حملہ شامی حکومت کیتے ہک نشابر سنیھا اے۔ اساں شامی فوج کوں دمشق دے جنوب اچ تعینات کرݨ یا دروز کمیونٹی کیتے کوئی خطرہ ٻݨݨ دی موکل نہ ݙیسوں۔ دمشق دے جنوب اچ ݙو ݙینھ توں جاری فرقہ وارانہ جھڑپاں اچ درجناں بندیاں دی ہلاکت دے بعد دروز کمیونٹی دے دفاع دے وعدے دے بعد اسرائیل ݙوجھی واری شام تے حملہ کیتے۔
