واشنگٹن۔2مئی(اے پی پی) امریکا پاکستان اتے بھارت وچال جموں و کشمیر دی صورتحال تے ودھدی کشیدگی تے تشویش کریندے ایں دا ذمہ دارانہ حل ڳولݨ تے زور ݙتے۔ امریکی محکمہ خارجہ دی ترجمان ٹیمی بروس آکھیے امریکی حکومت ݙوہیں ملکاں نال مستقل رابطے وچ ہے۔صحافیاں نال ڈیلی نیوز بریفنگ اچ ھک سوال دے جواب اچ انہاں آکھیے سیکرٹری خارجہ مارکوروبیو پاکستانی وزیراعظم شہباز شریف تے بھارتی خارجہ امور ایس جےشنکر نال ٹیلی فون تے ڳالھ مہاڑ اچ خطے اچ وݙی مدت امن و سلامتی دے مفاد اچ کم کرݨ دی لوڑھ تے زور ݙتا ۔ترجمان ٹیمی بروس آکھیے امریکی صدر ڈونلڈ ٹرمپ دی انتظامیہ صورتحال تے گہری نظر رکھی ہوئی اے۔ انہاں آکھیے سیکرٹری خارجہ ݙوہیں ملکاں تے کشیدگی گھٹ کرتے مسئلے دا ذمہ دارانہ حل ڳولݨ تے زور ݙتاجیڑھا جنوبی ایشیا اچ طویل مدتی امن اتے علاقائی استحکام کوں برقرار رکھے۔
