اسلام آباد۔3مئی(اے پی پی) وزیر دفاع خواجہ محمد آصف سندھ طاس معاہدے دی خلاف ورزی کرݨ دیاں کوششاں تے بھارت تے تنقید کریندے آکھیے جو بھارتی اقدامات عالمی سطح تے بے نقاب تھی چُکن تے بھارت اپݨے بیانیہ دی حمایت حاصل کرݨ وچ بُری طرح ناکام رہ ڳئے۔ ہک نجی نیوز چینل کوں انٹرویو ݙیندے وزیر دفاع خواجہ محمد آصف بھارت کوں سندھ طاس معاہدے دی خلاف ورزی دی صورت …
بھارت دی سندھ طاس معاہدے دی بھارتی خلاف ورزی عالمی سطح تے بے نقاب تھی ڳئی اے۔ خواجہ محمد آصف
اسلام آباد۔3مئی(اے پی پی) وزیر دفاع خواجہ محمد آصف سندھ طاس معاہدے دی خلاف ورزی کرݨ دیاں کوششاں تے بھارت تے تنقید کریندے آکھیے جو بھارتی اقدامات عالمی سطح تے بے نقاب تھی چُکن تے بھارت اپݨے بیانیہ دی حمایت حاصل کرݨ وچ بُری طرح ناکام رہ ڳئے۔ ہک نجی نیوز چینل کوں انٹرویو ݙیندے وزیر دفاع خواجہ محمد آصف بھارت کوں سندھ طاس معاہدے دی خلاف ورزی دی صورت وچ سنگین نتائج توں خبردار کریندے زور ݙتا جو آبی وسائل تے مزید جارحیت دا بھرپور جواب ݙتا ونڄے۔ انہاں زور ݙیندے آکھیے پاکستان معاہدے دا پابند اے لیکن اپݨے حقوق تے مفادات دے تحفظ کیتے سارے ضروری اقدامات کرݨ توں پچھوں نہ ہٹسی ۔ خواجہ آصف آکھیا جے بھارت سندھ طاس معاہدے دی خلاف ورزی کیتی تاں پاکستان اپݨے حقوق دے تحفظ کیتے معاملہ قانونی فورمز تے گھن ویسی۔ انہاں آکھیا جو نریندر مودی دا بیانیہ عالمی سطح تے بُری طرح ناکام تھئے۔ انہاں بھارت تے پروپیگنڈے دا سہارا گھنݨ تے تنقید کیتی تے آکھیا جو ثبوت پیش کیتے ونڄن۔ وفاقی وزیر زور ݙیندے آکھیے پاکستان کہیں وی چیلنج دا مقابلہ کرݨ کیتے تیار اے تے کہیں وی اشتعال انگیزی دا منہ بھن جواب ݙیسی۔
