اسلام آباد۔ 3 مئی (اے پی پی) وفاقی وزیر داخلہ محسن نقوی زمین توں زمین تے مار کرݨ آلے ابدالی میزائل دے کامیاب تجربے تے پاکستانی سائنسداناں تے انجینئرز کوں مبارخ ݙیندے اینکوں ملک دی دفاعی صلاحیتاں اچ ہک شاندار کامیابی قرار ݙتے۔ ہفتے کوں 450 کلومیٹر تئیں مار کرن آلے ابدالی میزائل دا کامیاب تجربہ کیتا ڳئے جیندے اچ پاکستان دی سائنسی برادری دی تکنیکی مہارت تے پیشہ ورانہ …
وفاقی وزیرداخلہ محسن نقوی دی ابدالی میزائل دے کامیاب تجربے تے سائنسداناں کوں مبارخ باد
اسلام آباد۔ 3 مئی (اے پی پی) وفاقی وزیر داخلہ محسن نقوی زمین توں زمین تے مار کرݨ آلے ابدالی میزائل دے کامیاب تجربے تے پاکستانی سائنسداناں تے انجینئرز کوں مبارخ ݙیندے اینکوں ملک دی دفاعی صلاحیتاں اچ ہک شاندار کامیابی قرار ݙتے۔ ہفتے کوں 450 کلومیٹر تئیں مار کرن آلے ابدالی میزائل دا کامیاب تجربہ کیتا ڳئے جیندے اچ پاکستان دی سائنسی برادری دی تکنیکی مہارت تے پیشہ ورانہ مہارت دا مظاہرہ کیتا ڳئے۔ وفاقی وزیر محسن نقوی ایں کامیابی دی تعریف کریندے آکھیے جو انجینئرز تے سائنسداناں ہک واری ول میزائل ٹیکنالوجی اچ اپݨی بے مثال مہارت دا ثبوت ݙتے۔ انہاں آکھیا جو اے کامیاب تجربہ ہک قابل فخر سنگ میل اے۔ ساݙے سائنسداناں تے انجینئرز ہک واری ول غیر معمولی تکنیکی مہارت تے پیشہ ورانہ مہارت دا مظاہرہ کیتے۔ انہاں مزید آکھیا جو اے پیشرفت پاکستان دے میزائل ڈویلپمنٹ پروگرام اچ ہک ٻئے سنگ میل کوں ظاہر کریندی اے تے ملک دے اسٹریٹجک دفاعی نظام کوں ٻہوں تکڑا کریندی اے۔ وزیر داخلہ زور ݙیندے آکھیے جو ایں کامیابی دا سہرا ساݙے سٹریٹجک اداریاں تے سکیورٹی فورسز کوں ویندے جِنہاں دی کوششاں نال پاکستان دا دفاع غیرمتزلزل تھی ڳئے۔ محسن نقوی ایں اعتماد دا وی اظہار کیتے جو کوئی وی دشمن پاکستان دے تکڑے دفاعی نظام پاروں خراب نیت نال ݙیکھݨ دی جرات نہ کرسڳسی۔ واضح رہے جو ابدالی میزائل دا اے ٹیسٹ قومی سلامتی تے علاقائی استحکام کوں یقینی بݨاوݨ تے اپݨی سٹریٹجک تے روایتی صلاحیتاں کوں ودھاوݨ کیتے پاکستان دی مسلسل کوششاں دے حصے دے طور تے کیتا ڳئے۔
