اسلام آباد۔ 3 مئی (اے پی پی) وفاقی وزیر داخلہ محسن نقوی خیبرپختونخوا اچ انتہا پسند دہشت گرداں دے خلاف کامیاب کارروائیاں تے پاکستان دی سیکیورٹی فورسز کوں خراج تحسین پیش کریندے اڄوکی کارروائیاں اچ پنج دہشت گرداں کوں ہلاک کرݨ تے فورسز دی پیشہ ورانہ صلاحیتاں تے بہادری دی تعریف کیتی۔ وفاقی وزیر شدت پسنداں، عسکریت پسنداں دے مذموم منصوبیاں کوں ناکام بݨاوݨ اچ فورسز دے کردار دی تعریف …
محسن نقوی دی خیبرپختونخوا اچ دہشت گرداں دے خلاف کامیاب آپریشنز تے سیکیورٹی فورسز دی تعریف
اسلام آباد۔ 3 مئی (اے پی پی) وفاقی وزیر داخلہ محسن نقوی خیبرپختونخوا اچ انتہا پسند دہشت گرداں دے خلاف کامیاب کارروائیاں تے پاکستان دی سیکیورٹی فورسز کوں خراج تحسین پیش کریندے اڄوکی کارروائیاں اچ پنج دہشت گرداں کوں ہلاک کرݨ تے فورسز دی پیشہ ورانہ صلاحیتاں تے بہادری دی تعریف کیتی۔ وفاقی وزیر شدت پسنداں، عسکریت پسنداں دے مذموم منصوبیاں کوں ناکام بݨاوݨ اچ فورسز دے کردار دی تعریف کریندے آکھیے جو “خوارج دہشت گرد” دی اصطلاح تاریخی طور تے متشدد باغیاں کیتے استعمال تھیندی اے۔ انہاں آکھیا جو آپریشنز نہ صرف اہم خطرات کوں بے اثر کیتے بلکہ ٻئے دہشت گرد عناصر کوں وی ہک تکڑا سنھیا ڈتے۔ وزیر داخلہ آکھیا جو اساں اپݨی سیکیورٹی فورسز کوں سلام پیش کریندوں جِنہاں پنج خوارج دہشت گرداں کوں جہنم واصل کیتے تے مہارت تے جرات نال انہاں دے مذموم عزائم کوں ناکام بݨائے۔ انہاں زور ݙیندے آکھیے جو اے کارروائیاں دہشت گردی دے خلاف جاری جنگ اچ سیکیورٹی اہلکاراں دی طرفوں کیتی ڳئی نمایاں پیش رفت دی عکاسی کریندی اے۔ انہاں مزید آکھیا جو امن دے اِنہاں دشمناں دے خلاف سیکیورٹی فورسز شاندار کامیابیاں ڳھدن ۔ وفاقی وزیر محسن نقوی اے وی واضح کیتے جو دہشت گردی دے خلاف مہم دہشت گرد عناصر دے منڈھوں خاتمے تئیں جاری رھسی۔ انہاں آکھیا جو آپریشن چھیکڑی دہشت گرد دے خاتمے تئیں جاری رھسی، پوری قوم کوں اپݨی فوجاں دی بہادری تے قربانیاں تے ماݨ اے۔
