آزادی صحافت کیتے صحافی برادری دی کاوشاں قابل تحسین ہن، مریم نواز

لاہور۔ 3 مئی(اے پی پی) وزیرِاعلیٰ پنجاب مریم نواز آکھیے جو آزادی صحافت کیتے صحافی برادری دی کاوشاں تے قربانیاں قابل تحسین ہن، صحافیاں دے تحفظ کیتے بھرپور اقدامات یقینی بݨائے ویندے پئن ، صحافی برادری کیتے اپݨے گھر دا خواب پورا کرݨ کیتے کوشاں ہیسے۔ یومِ آزادی صحافت دے موقع تے جاری اپݨے سنھیے اچ انہاں آکھیے جو آزادی صحافت جمہوری معاشرے دی بنیاد تے زندہ قوم دی سُنڄاݨ اے، آزاد، خودمختار تے ذمہ دار میڈیا ہی او طاقت اے جیہڑا حکمراناں کوں جوابدہ بݨیندے ، آزادی صحافت کیتے صحافی برادری دی کاوشاں تے قربانیاں قابل تحسین ہن۔ وزیراعلیٰ مریم نواز آکھیا جو جمہوریت تے آزادی صحافت ہک ٻئے نال جُڑیے پئن ، صحافت آزاد تے ذمہ دار ہووے تاں جمہوریت تکڑی تھیندی اے، جمہوریت کوں اُچا کرݨ دے سفر اچ آزادی صحافت دی جدوجہد اچ اہل صحافت دے نال ہیسے۔ انہاں مزید آکھیا جو پنجاب حکومت صحافیاں دے تحفظ کیتے بھرپوراقدامات کوں یقینی بݨیندی پئی اے، صحافی برادری کیتے اپݨے گھر دا خواب پورا کرݨ کیتے کوشاں ہیسے۔