وفاقی وزیراطلاعات عطاء اللہ تارڑدی سی پی این ای دے نویں منتخب عہدیداران کوں مبارخ

اسلام آباد۔4 مئی (اے پی پی) وفاقی وزیر اطلاعات و نشریات عطاء اللہ تارڑ کونسل آف پاکستان نیوز پیپر ایڈیٹرز (سی پی این ای) دے نویں منتخب عہدیداران کوں مبارخ ݙتی اے۔جاری بیان وچ وفاقی وزیر اطلاعات سی پی این ای دے نویں منتخب صدر کاظم خان، سیکرٹری جنرل غلام نبی چانڈیو، سینئر نائب صدر ایاز خان اتے ڈپٹی سیکرٹری جنرل تنویر شوکت کوں مبارخاں ڈتیاں اتے نیک تمناواں دا اظہار کیتے۔ وفاقی وزیر اطلاعات آکھیا جو نویں منتخب قیادت دی کامیابی صحافتی برادری دے اعتماد دا مظہر اے۔ انہاں آکھیا جو حکومت آزادی صحافت تے مکمل یقین رکھیندی اے۔ وفاقی وزیر آکھیا جو سارے سٹیک ہولڈرز دے نال رل تے ہک ذمہ وار، آزاد اتے پیشہ ورانہ صحافت دے ودھارے کیتے پرعزم ہن۔ انہاں امید ظاہر کیتی جو سی پی این ای دی نویں قیادت صحافیاں دے حقوق دے تحفظ، پیشہ ورانہ معیار دے ودھارے اتے قومی مفادات دی پاسداری کیتے مثبت کردار ادا کریسی۔ عطاء اللہ تارڑ آکھیا جو وزارت اطلاعات سارے صحافتی تنظیماں دے نال رابطے وچ اے، صحافتی اداریاں کوں پیش آوݨ آلے چیلنجز دے حل کیتے ہر ممکن تعاون کریسوں۔