اسلام آباد۔ 4 مئی (اے پی پی) نائب وزیرِاعظم اتے وزیرِ خارجہ سینیٹر محمد اسحاق ڈار اقوام متحدہ وچ پاکستان دے مستقل نمائندے کوں ہدایت کیتی اے جو او اقوام متحدہ دی سلامتی کونسل دا اجلاس سݙݨ سانڳے وختی اقدامات کرن۔ ترجمان دفترِ خارجہ توں جاری بیان موجب پاکستان باضابطہ طور تے خطے دی تازہ ترین صورتحال تے اقوام متحدہ دی سلامتی کونسل کوں بریفنگ ݙیوݨ دا فیصلہ کیتے۔ پاکستان …
پاکستان دا باضابطہ طور تے خطے دی موجودہ صورتحال تے اقوام متحدہ دی سلامتی کونسل کوں بریفنگ ݙیوݨ دا فیصلہ، وزیرِخارجہ دی مستقل نمائندے کوں سلامتی کونسل دا اجلاس سݙݨ کیتے اقدامات دی ہدایت
اسلام آباد۔ 4 مئی (اے پی پی) نائب وزیرِاعظم اتے وزیرِ خارجہ سینیٹر محمد اسحاق ڈار اقوام متحدہ وچ پاکستان دے مستقل نمائندے کوں ہدایت کیتی اے جو او اقوام متحدہ دی سلامتی کونسل دا اجلاس سݙݨ سانڳے وختی اقدامات کرن۔ ترجمان دفترِ خارجہ توں جاری بیان موجب پاکستان باضابطہ طور تے خطے دی تازہ ترین صورتحال تے اقوام متحدہ دی سلامتی کونسل کوں بریفنگ ݙیوݨ دا فیصلہ کیتے۔ پاکستان اقوام متحدہ دی سلامتی کونسل کوں بھارت دے جارحانہ اقدامات، اشتعال انگیزی اتے اشتعال انگیز بیانات دا ݙسیسی ۔ پاکستان خصوصی طور تے سندھ طاس معاہدے کوں معطل کرݨ کیتے بھارت دے غیر قانونی اقدامات کوں اجاگر کریسی۔ پاکستان واضح کریسی جو کیویں ہندوستان دے جارحانہ اقدامات جنوبی ایشیا اتے خطے توں ٻاہر امن و سلامتی کوں خطرے وچ پیندے پئن ۔ اے اہم سفارتی اقدام پاکستان دی عالمی برادری دے سامݨے صحیح حقائق پیش کرݨ دی کوششاں دا حصہ اے۔
