پاکستان دا “فتح” سیریز دے زمین توں زمین تے مار کر‏ آلے میزائل دا کامیاب تربیتی تجربہ

راولپنڈی۔۵ مئی (اے پی پی) پاکستان نے جاری مشق “ایکس انڈس” دے تحت سنوار کوں “فتح” سیریز دے زمین توں زمین تے مار کرن آلے میزائل دا کامیاب تربیتی تجربہ کیتا، میزائل دی رینج ۱۲۰ کلومیٹر اے۔ آئی ایس پی آر دے مطابق ایں تجربے دا مقصد فوجی دستیاں دی عملی تیاری کوں یقینی بنڑاوݨ تے میزائل دے جدید نیویگیشن سسٹم تے بہتر درستگی سمیت اہم تکنیکی پہلوئواں دی تصدیق کرݨ ہئی۔ تربیتی تجربے دا پاکستان آرمی دے سینئر افسراں تے پاکستان دے سٹریٹجک اداریاں دے افسراں، سائنسداناں تے انجینئرز مشاہدہ کیتا۔ چیئرمین جوائنٹ چیفس آف سٹاف کمیٹی تے چیف آف آرمی سٹاف حصہ گھنݨ آلے فوجی جواناں، سائنسداناں تے انجینئرز کوں مبارخ ڈتی۔ انہاں پاکستان دی علاقائی سالمیت دے خلاف کہیں وی جارحیت کوں ناکام بݨاوݨ کیتے پاکستان آرمی دی عملی تیاری تے تکنیکی مہارت تے مکمل اعتماد دا اظہار کیتا۔