او آئی سی دے آزاد مستقل انسانی حقوق کمیشن بھارت تے جموں و کشمیر اچ اسلاموفوبک بیانات، نفرت انگیز تشدد تے مسلم کمیونٹیز دے خلاف ٹارگٹڈ حملیاں اچ خطرناک ودھارے تے شدید تشویش دا اظہار کیتا اے، ترجمان دفتر خارجہ

اسلام آباد۔۵ مئی (اے پی پی) اسلامی تعاون تنظیم (او آئی سی) دے آزاد مستقل انسانی حقوق کمیشن (آئی پی ایچ آر) اسلاموفوبک بیانات، نفرت انگیز تشدد تے بھارت دے غیر قانونی زیر تسلط جموں ٹپ کشمیر اچ مسلم کمیونٹیز دے خلاف ٹارگٹڈ حملیاں خاص طور تے پہلگام اچ اڄوکے المناک واقعے دے تناظر اچ خطرناک ودھارے تے شدید تشویش دا اظہار کیتے۔ سنوار کوں ترجمان دفتر خارجہ ولوں جاری بیان اچ آکھیا گیا جو کمیشن  مسلماناں کوں قربانی دا بکرا ٻݨاوݨ تے فرقہ وارانہ تشدد کیتے انتہائی سجے بازو دے قوم پرستاں کوں اکساون دی مذمت کریندے ہوئے ایں گالھ تے زور ڈتا جو اینجھے اقدامات انسانی حقوق دے بین الاقوامی قانون دی سنگین خلاف ورزی ہن۔ اوں بھارتی حکومت تے زور ڈتا جو او احتساب کوں یقینی بنڑاوے، ۲۰۰ ملین توں ودھ مسلماناں دے حقوق کوں برقرار رکھے تے نفرت تے استثنا کوں ختم کرے۔ کمیشن  اقوام متحدہ تے عالمی برادری توں مطالبہ کیتا جو او صورتحال تے گہری نظر رکھن، آزادانہ تحقیقات تے زور ڈیون، بھارت تے بھارت دے غیر قانونی زیر تسلط جموں تے کشمیر اچ مسلماناں دیاں بنیادی آزادیاں دا تحفظ کرن۔ کشمیر تے آپݨے موقف دی توثیق کریندے ہوئے او آئی سی دے ادارے اقوام متحدہ دی قیادت اچ حقائق ڳولݨ آلے مشن دی لوڑھ دا وی اعادہ کیتا تے اقوام متحدہ تے او آئی سی دیاں متعلقہ قرارداداں دے مطابق کشمیریاں دے حق خود ارادیت تے زور ݙتا۔