اسلام آباد۔ 5 مئی (اے پی پی)وزیراعظم محمد شہباز شریف بغیر ثبوت پہلگام واقعہ دا تعلق پاکستان نال جوڑݨ دیاں بھارتی کوششاں کوں مسترد کریندے واقعہ دی اعلیٰ سطح دی شفاف اتے غیر جانبدار بین الاقوامی تحقیقات دی اپݨی پیشکش دا اعادہ کیتے اتے برطانیہ کوں ایندے اچ رلݨ دی دعوت ݙتی اے۔ وزیراعظم دفتر دے میڈیا ونگ توں جاری پریس ریلیز موجب وزیراعظم محمد شہباز شریف نال وزیراعظم ہاؤس …
وزیراعظم محمد شہباز شریف نال پاکستان اچ برطانیہ دی ہائی کمشنر جین میریٹ دی ملاقات،بغیر ثبوت پہلگام واقعہ دا تعلق پاکستان نال جوڑݨ دیاں بھارتی کوششاں مسترد
اسلام آباد۔ 5 مئی (اے پی پی)وزیراعظم محمد شہباز شریف بغیر ثبوت پہلگام واقعہ دا تعلق پاکستان نال جوڑݨ دیاں بھارتی کوششاں کوں مسترد کریندے واقعہ دی اعلیٰ سطح دی شفاف اتے غیر جانبدار بین الاقوامی تحقیقات دی اپݨی پیشکش دا اعادہ کیتے اتے برطانیہ کوں ایندے اچ رلݨ دی دعوت ݙتی اے۔ وزیراعظم دفتر دے میڈیا ونگ توں جاری پریس ریلیز موجب وزیراعظم محمد شہباز شریف نال وزیراعظم ہاؤس اچ پاکستان اچ برطانیہ دی ہائی کمشنر جین میریٹ ملاقات کیتی۔ ملاقات اچ وزیراعظم برطانوی ہائی کمشنر کوں پہلگام واقعہ دے بعد جنوبی ایشیا دی موجودہ صورتحال تے پاکستان دے نقطہ نظر دا ݙسئے ۔ کوئی ثبوت ݙتے بغیر ایں واقعہ نال پاکستان کوں جوڑݨ دیاں بھارت دیاں کوششاں کوں مسترد کریندے وزیراعظم واقعہ دی اعلیٰ سطح دی شفاف اتے غیر جانبدار بین الاقوامی تحقیقات دی اپݨی پیشکش دا اعادہ کیتا اتے برطانیہ کوں ایندے اچ رلݨ دی دعوت ݙتی۔ وزیراعظم آکھیے جو حکومت دی اولین ترجیح ملک دی اقتصادی ترقی اے اتے پاکستان کݙاہیں وی ایجھا کوئی اقدم نہ چیسی جیں نال علاقائی امن و سلامتی کوں خطرہ تھیوے۔ وزیراعظم آکھیے جو برطانیہ پاکستان اتے بھارت نال اپݨے دوستانہ سفارتی تعلقات کوں استعمال کریندے ہوئیں خطے اچ امن دی کشیدہ صورتحال کوں بہتر بݨاوݨ اچ اپݨا کردار نبھاوے۔ برطانوی ہائی کمشنر پاکستان دے موقف توں آگاہ کرݨ تے وزیراعظم دا شکریہ ادا کیتا اتے آکھیا جو برطانیہ علاقائی امن و سلامتی کیتے پاکستان اتے بھارت نال رل تے کم کریسی۔
