پاکستان دہشت گردی دا سب توں ودھ نقصان چاتے، پہلگام واقعے دی مذمت کیتی اے، سردار ایاز صادق

اسلام آباد۔5 مئی(اے پی پی) سپیکر قومی اسمبلی سردار ایاز صادق آکھیے جو پاکستان دہشت گردی دا سب توں ودھ نقصان چاتے، 90 ہزار جاناں دی قربانی ݙتی اے، اساں پہلگام واقعے دی اساں مذمت وی کیتی اے، واقعے دی آزادانہ تحقیقات دی وی پیشکش کیتی اے۔ قومی اسمبلی اجلاس دی صدارت کریندے انہاں آکھیا جو ہائوس بزنس ایڈوائزری کمیٹی اچ پہلگام واقعے دے حوالے نال ڳالھ تھئی اتے ایندی مذمت کیتی ڳئی، ایں واقعے کوں بنیاد بݨا تے بھارت دی طرفوں پاکستان دے پاݨی دی بندش اتے حملے دے حوالے نال ڳالھیں تے افسوس کیتا ڳیا۔ سارے ڄاݨدن جو اے واقعہ کیویں تھئے، پاکستان توں زیادہ کون ڄاݨدے جو دہشت گردی دا نقصان کتنا تھیندے، پہلگام واقعے تے پاکستان آزادانہ تحقیقات دی کئی واری پیشکش کیتی ہے، ایں معاملے تے پوری قوم یک جان اے۔