اسلام آباد۔6مئی(اے پی پی) وفاقی وزیر تجارت جام کمال خان نال آل پاکستان سالونٹ ایکسٹریکٹرز ایسوسی ایشن (اے پی ایس ای اے)دے چیئرمین زین محمود اپݨی ٹیم دے رلے ملاقات کیتی۔ ملاقات اچ سویابین اتے کینولا دی درآمدات تے ٹیرف اچ تبدیلی دے ذریعے مقامی پیداوار کوں ودھارا ݙیوݨ تے ڳالھ مہاڑ کیتی ڳئی ۔ ملاقات اچ وزیراعظم دے معاون خصوصی تجارت رانا احسان افضل اتے سیکرٹری تجارت جواد پال …
وفاقی وزیر تجارت جام کمال خان نال چیئرمین اے پی ایس ای اے دی ملاقات
اسلام آباد۔6مئی(اے پی پی) وفاقی وزیر تجارت جام کمال خان نال آل پاکستان سالونٹ ایکسٹریکٹرز ایسوسی ایشن (اے پی ایس ای اے)دے چیئرمین زین محمود اپݨی ٹیم دے رلے ملاقات کیتی۔ ملاقات اچ سویابین اتے کینولا دی درآمدات تے ٹیرف اچ تبدیلی دے ذریعے مقامی پیداوار کوں ودھارا ݙیوݨ تے ڳالھ مہاڑ کیتی ڳئی ۔ ملاقات اچ وزیراعظم دے معاون خصوصی تجارت رانا احسان افضل اتے سیکرٹری تجارت جواد پال وی شرکت کیتی ۔زین محمود مقامی کساناں دے تحفظ اتے انھاں دی حوصلہ افزائی سانڳے ٹیرف سٹرکچر اچ مناسب تبدیلیاں دی اہمیت تے زور ݙتا ۔ انہاں آکھیے جو ٹیرف اچ اصلاحات توں پاکستان اچ آئل سیڈز دی کاشت اتے پروسیسنگ کوں ودھارا ملسی جئیں توں درآمدات تے انحصار گھٹ تھیسی تے خود انحصاری کوں ودھارا ملسی ۔ چیئرمین اے پی ایس ای اے سورج مکھی، سویابین اتے کینولا سودھے مختلف آئل سیڈز دی پیداوار ودھاوݨ سانڳے تجویزاں وی پیش کیتن تاں جو ملکی درآمدی ٻل گھٹ کیتا ونڄ سڳے تے مقامی صنعت کوں مزید موثر بݨایا ونڄ سڳے۔ وفاقی وزیر تجارت جام کمال خان وفد کوں حکومت دی مکمل حمایت دا یقین ݙیوائے۔ انہاں عزم کیتے جو وزارت تجارت ایجھیاں پالیسیاں کوں ودھارا ݙیسی جیڑھا مقامی زرعی ویلیو چین اتے صنعتی ترقی سانڳے مددگار ثابت تھیون۔
