پنجاب اسمبلی دا 25 واں اجلاس 13 مئی کوں تھیسی ، نوٹیفکیشن جاری

لاہور۔6مئی(اے پی پی) سپیکر پنجاب اسمبلی ملک محمد احمد خان اسمبلی دا 25 واں اجلاس 13 مئی کوں سݙ ڳھدے ۔ ترجمان پنجاب اسمبلی موجب اجلاس  13 مئی  سنوار ݙوپہر 2 وڄے اسمبلی دے نویں ایوان اچ تھیسی ۔اسمبلی سیکرٹریٹ اجلاس سݙݨ دا باقاعدہ نوٹیفکیشن جاری کرݙتے ۔ اجلاس دی صدارت سپیکر ملک محمد احمد خان کریسن جئیں اچ صوبائی سطح تے اہم قانون سازی، عوامی مسئلے تے بجٹ توں پہلے دیاں تیاریاں تے ڳالھ مہاڑ تھیسی۔